ޗިލްޑްރަންސް އޮމްބަޑްސްޕާސަން ނިއުމާތުގެ ދައުރު ދަންމާލަން ރައީސް މަޖިލީހުގައި އެދިވަޑައިގެންފި
މިހާރު
14 ޖުލައި 2025 | ހޯމަ | 12:29
ޗިލްޑްރަންސް އޮމްބަޑްސްޕާސަން މަގާމުގައި ހުންނަވާ ނިއުމާތު ޝަފީގުގެ ދައުރު ދަންމާލަން ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހުގައި މިއަދު އެދިވަޑައިގެންފި އެވެ.
މަޖިލީހުގެ ރައީސް އަބްދުއްރަހީމް އަބްދުﷲ އަށް ރައީސް ފޮނުއްވި ސިޓީފުޅުގައި ވިދާޅުވީ ޗިލްޑްރަންސް އޮމްބަޑްސްޕާސަން ނިއުމާތުގެ ދައުރު މި މަހު 23 އަށް ހަމަވާތީ، ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގައިވާ ގޮތުން މަތިން އޭނާގެ ދައުރު ފަސް އަހަރަށް އިތުރުކުރުމަށް ހުށަހަޅުއްވާ ކަމަށެވެ.
އެކަމުގެ މަޖިލީހުން ނިންމާ ގޮތެއް އަންގައިދިނުމަށް ވެސް ރައީސްގެ ސިޓީފުޅުގައި އެދިވަޑައިގަތެވެ.