ސްޓެލްކޯގެ ފްލެޓްތަކުގެ ކުއްޔަށް 644،000ރ. ނުލިބި އޮތް މައްސަލާގައި ފިޔަވަޅު އަޅަން އަންގަނީ
މިހާރު
15 ޖުލައި 2025 | އަންގާރަ | 2:33
ސްޓެލްކޯ ފްލެޓްތަކުގެ ކުލީގެ ގޮތުގައި 644،000 ރުފިޔާ ނުލިބި ހުރި އިރު، އެ ފައިސާ ހޯދަން ކުރަމުން އަންނަ މަސައްކަތްތައް ސާފުކޮށް، ކުލި ނުދައްކާ މީހުންނާ މެދު ފިޔަވަޅު އަޅަން އެ ކުންފުންޏަށް އަންގަން މާލިއްޔަތު ކޮމިޓީން މިއަދު ނިންމައިފި އެވެ.
ފްލެޓް ލިބުނު މީހުންގެ ތެރެއިން ކުލި ނުދައްކާ ގިނައީ ކުންފުނީގެ އިސް މަގާމްތައް ފުރުއްވުމަށް ފަހު ވަކިވި ބޭފުޅުން ކަމަށް މާލިއްޔަތު ކޮމިޓީގައި މެމްބަރުން ވިދާޅުވި އެވެ.
މާލިއްޔަތު ކޮމިޓީގައި މިއަދު ވަނީ ސްޓެލްކޯގެ ފްލެޓްތަކުގެ ކުލި ނުދައްކާ މައްސަލާގައި މަޝްވަރާކޮށްފަ އެވެ. އެ ކޮމިޓީގައި އެ މައްސަލަ ކުރިއަށް ގެންދިޔައީ، ކެލާ ދާއިރާގެ ޕީއެންސީގެ މެމްބަރު އަބްދުﷲ ޝަރީފް ހުށަހަޅުއްވައިގެންނެވެ.