އިޒްރޭލުގެ ހަމަލާތަކާ ހެދި ހާލަތު އޮޅުންބޮޅުންވެއްޖެ: ސީރިއާގެ ލީޑަރު
މިހާރު
17 ޖުލައި 2025 | ބުރާސްފަތި | 10:04
ސްވައިދާގައި 350 މީހުން މަރުވި. ސީރިއާ ސިފައިން އެތަނުން ފައިބަން މިހާރު ވަނީ ނިންމާފައި
އިޒްރޭލުން ސީރިއާއަށް ދިން ހަމަލާތަކުގެ ސަަބަބުން ހާލަތު އޮޅުންބޮޅުންވެ ނާމާންވެފައިވާ ކަމަށާއި އެކަމަކު އެމެރިކާ އާއި އަރަބިންނާއި ތުރުކީން މިކަމުގެ ތެރެއަށް ވަދެ ސަރަހައްދީ ބޮޑު މުސީބާތަކުން ސަލާމަތްކޮށްދީފި ކަމަށް ސީރިއާގެ ލީޑަރު އަހްމަދު އަލް ޝަރާ މިއަދު ވިދާޅުވެއްޖެ އެވެ.
ސީރިއާގައި ދްރޫޒް ދީނުގެ މީހުން އުޅޭ ސްވައިދާ ސަރަހައްދުގައި ހިނގަމުންދާ ހަމަނުޖެހުން ހުއްޓުވަން ސީރިއާ ސިފައިން ވަނުމާ އެކު އެކަން ހުއްޓާލަން އިންޒާރުދީ އިޒްރޭލުން އިއްޔެ ވަނީ ސީރިއާ ސިފައިންގެ މަރުކަޒާއި ޑިފެންސް މިނިސްޓްރީ އާއި މުހިންމު އެކި ތަންތަނަށް ބޮން އަޅައި ބޮޑެތި ގެއްލުންތައް ދީފަ އެވެ.