ނިއުމާތުގެ މަގާމުގެ މުއްދަތު އިތުރުކުރަން މަޖިލީހުން ފާސްކޮށްފި
މިހާރު
21 ޖުލައި 2025 | ހޯމަ | 2:08
ޗިލްޑްރަންސް އޮމްބަޑްސްޕާސަންގެ މަގާމުގައި ހުންނެވި ނިއުމާތު ޝަފީގުގެ މަގާމުގެ މުއްދަތު އިތުރު ފަސް އަހަރުގެ މުއްދަތަކަށް އިތުރުކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
ޖުލައި، 2020 ގައި އޮމްބަޑްސްޕާސަންގެ މަގާމަށް އައްޔަން ކުރެއްވި ނިއުމާތުގެ ދައުރު މިމަހު ހަމަވާތީ އޭނާގެ ދައުރު އިތުރު ފަސް އަހަރަށް އިތުރުކުރަން މަޖިލީހަށް ހުށަހެޅުއްވީ ރައީސް ޑރ. މުހައްމަދު މުއިއްޒެވެ.
އެކަމާ މެދު ގޮތެއް ނިންމަން މަޖިލީހުގެ މިއަދުގެ ޖަލްސާގައި ނެގި ވޯޓުގައި ނިއުމާތުގެ މަގާމުގެ މުއްދަތު އިތުރުކުރަން ފާސްކުރީ ވޯޓުގައި ބައިވެރިވި 50 މެމްބަރުންގެ އިއްތިފާގުންނެވެ.