ބަންގްލާދޭޝްގައި ޖެޓް ވެއްޓި މަރުވި އަދަދު 27 އަށް، ގިނައީ ކުޑަކުދިން
މިހާރު
22 ޖުލައި 2025 | އަންގާރަ | 11:01
ބަންގްލާދޭޝްގައި އިއްޔެ ފައިޓަ ޖެޓެއް ވެއްޓުނު ހާދިސާގައި މަރުވި އަދަދު 27 އަށް އަރާފައިވާ ކަމަށާއި އޭގެ ތެރޭގައި ގިނައީ ކުޑަކުދިން ކަމަށް އޮފިޝަލުން މިއަދު ބުނެފި އެވެ.
ޗައިނާގައި އުފައްދާފައިވާ އެފް-7 ބީޖޭއައި މަތިންދާބޯޓު، މައިލްސްޓޯން ސްކޫލް އެންޑް ކޮލެޖަށް ވެއްޓުނު ހާދިސާގައި މަރުވި ގިނަ ކުދިންނަކީ ކްލާހުން ދޫކޮށްލުމުން ނުކުމެ ކޮލެޖްގެ ގޯތިތެރޭގައި ތިބި ކުދިންނެވެ.
ބަންގްލާދޭޝްގެ ފަހުގެ ތާރީހެއްގައި ހިނގި މިފަދަ އެންމެ ނުރައްކާތެރި މި ހާދިސާގައި 170 އަށް ވުރެ ގިނަ މީހުން ވަނީ ޒަހަމް ވެސް ވެފަ އެވެ.