މަނަދޫގައި 50 އެނދުގެ އާ ހޮސްޕިޓަލުގެ ބިންގާ އަޅައިފި
މިހާރު
22 ޖުލައި 2025 | އަންގާރަ | 11:23
ނ. އަތޮޅުގެ ރަށްތަކުން ސިއްހީ ހިދުމަތަށް ބަރޯސާވެފައިވާ އެ އަތޮޅު ހޮސްޕިޓަލުގެ އާ އިމާރާތުގެ ބިންގާ މިއަދު އަޅައިފި އެވެ.
މަނަދޫގައި ހުންނަ އަތޮޅު ހޮސްޕިޓަލްގެ އާ އިމާރާތުގެ ބިންގާ އެޅީ ނ. އަތޮޅުގެ 13 ރަށަކަށް ރައީސް ޑރ. މުހައްމަދު މުއިއްޒު ކުރައްވާ ދަތުރުފުޅުގައި އެ ރަށަށް ވަޑައިގެން ބޭއްވި ރަސްމިއްޔާތުގަ އެވެ.
އާ އިމާރާތުގެ ބިންގާ އަޅުއްވައިދެއްވީ ހެލްތު މިނިސްޓަރު އަބްދުﷲ ނާޒިމާއި އެ މަސައްކަތް ހަވާލުކުރި އެމްޓީސީސީގެ ސީއީއޯ އަހުމަދު ސައުދީ އާއި އެ ދާއިރާގެ މެމްބަރު ހުސްނީ މުބާރަކްގެ އިތުރުން އެ ރަށު ކައުންސިލްގެ ރައީސް އަބްދުއްރަހްމާން ސަބީހެވެ.