އައްޑޫ ގެންގުޅެނީ "ދެވަނަ ދަރަޖައިގައި" ކަމަށް ވިދާޅުވެ މޭޔަރުގެ ނުރުހުން
މިހާރު
22 ޖުލައި 2025 | އަންގާރަ | 10:56
އައްޑޫން ކަރަންޓު ކެނޑޭ މައްސަލަ ބޮޑުވެފައިވާއިރު، އެ ކަން ހައްލު ކުރުމުގައި އަދި ސަމާލުކަމަށް ގެނައުމުގައި ގެންގުޅެނީ "ދެވަނަ ދަރަޖަ" ކަމަށް ވިދާޅުވެ އައްޑޫ މޭޔަރު އަލީ ނިޒާރު ނުރުހުން ފާޅުކުރައްވައިފި އެވެ.
އޭނާ އެ ވާހަކަ ދެއްކެވީ ދުވަސްގަނޑަކަށް ފަހު، އިންޖީނަކަށް ޓެކްނިކަލް މައްސައެއް ދިމާވެ، އަނެއްކާ ވެސް އައްޑޫން ކަރަންޓު ކެނޑޭ މައްސަލަ ބޮޑުވުމާ ގުޅިގެން ކުރެއްވި އެކްސްގައި ރޭ ކުރެއްވި ޕޯސްޓެއްގަ އެވެ.
"މާލެ އިން 5 ގަޑި އިރަށް ކަރަންޓް ކެނޑުމަކީ ކާރިސާގެ ހާލަތު ކަމަށް ނިންމަވައި އެކަން އަވަހަށް ހައްލު ހޯއްދަވައި ދެއްވުމުގެ ޔަގީންކަން ދެއްވި. އަޅުގަޑުމެން އައްޑޫ ރައްޔިތުން ދެވަނަ ދަރަޖައިގައި ބެއްލެވުމަކީ ގަބޫލު ކުރެވޭނެ ކަމެއް ނޫން. އެއީ އިންސާފުވެރި ގޮތެއް ވެސް ނޫން،" މާލެ އިން މިދިޔަ ޖޫން 1 ވަނަ ދުވަހު ފަސްގަޑިއިރަށް ކަރަންޓު ކެނޑުމާ އެކު މުޅި ސަރުކާރު އެލާޓަށް އައި މައްސަލަ އަށް އިޝާރާތް ކުރައްވަމުން ނިޒާރު ވިދާޅުވި އެވެ.