ހުޅުމާލެ ޗެނަލް ޕާކުގައި މުރަކަ އާލާކުރަނީ
މިހާރު
22 ޖުލައި 2025 | އަންގާރަ | 10:15
ހުޅުމާލެ 1 އާއި 2 ގުޅުވައިދޭ ހުޅުމާލެ ޗެނަލް ޕާކުގައި މުރަކަ އިންދައި އާލާކުރުމުގެ ޕްރޮޖެކްޓެއް މިއަދު ފަށައިފި އެވެ.
އެޗްޑީސީން ބުނީ އެ ކުންފުންޏާއި އެންވަޔަރަމެންޓަލް ޕްރޮޓެކްޝަން އެޖެންސީ (އީޕީއޭ) އާއި މޯލްޑިވްސް މެރިން ރިސާޗު އިންސްޓިޓިއުޓް (އެމްއެމްއާރުއައި) ގުޅިގެން "ކޮރަލް ގާޑެން ޕްރޮޖެކްޓް" މިއަދު ފަށާފައިވާ ކަމަށެވެ.
މި ޕްރޮޖެކްޓު ފެށުމުގެ ގޮތުން މިއަދު ހަވީރު ހުޅުމާލެ ޗެނަލް ޕާކުގައި ބޭއްވި ހަފުލާގައި އެޗްޑީސީގެ މެނޭޖިން ޑައިރެކްޓަރު މައުރޫފް ޖަމީލާއި އީޕީއޭގެ ޑިރެކްޓަރު ޖެނެރަލް އިބްރާހިމް ނައީމް އަދި ތިން އިދާރާގެ އިސްބޭފުޅުން ބައިވެރިވެވަޑައިގެންނެވި އެވެ. އަދި މި މަސައްކަތުގައި އަމަލީ ގޮތުން އުޅޭ މުވައްޒަފުން ވެސް ބައިވެރިވި އެވެ.