ޓުވަލޫގެ 80 ޕަސެންޓް މީހުން އޮސްޓްރޭލިއާއިން ކްލައިމެޓް ވިސާ ހޯދަނީ
މިހާރު
23 ޖުލައި 2025 | ބުދަ | 3:04
ކަނޑުގެ ލޮނުގަނޑު އުފުލި، ޓުވަލޫ ގެނބެމުން ދާއިރު އެ ގައުމުގެ 80 ޕަސެންޓަށްވުރެ ގިނަ މީހުން އޮސްޓްރޭލިއާގެ ކްލައިމެޓް ވިސާ ހޯދަން މަސައްކަތްކުރަމުން އަންނަ ކަމަށް ރަސްމީ ހިސާބުތަކުން ދައްކައިފި އެވެ.
މޫސުމީ ބަދަލުތަކުން ރައްކާތެރިކަން ހޯދައިިދިނުމުގެ ގޮތުން ގައުމަކުން މިހާތަނަށް ދޭ ފުރަތަމަ ވިސާގެ ގޮތުގައި އޮސްޓްރޭލިއާ އިން ސިފަކޮށްފައިވާ ކްލައިމެޓް ވިސާ އެ ގައުމުން ކޮންމެ އަހަރަކު ވެސް ޓުވަލޫގެ ވަކި އަދަދެއްގެ މީހުންނަށް އަންނަނީ ދެމުންނެވެ.
"ވަރަށް ބޮޑު ޝައުގުވެރިކަމެއް މިކަމަށް އަންނަނީ ލިބެމުން. ވިސާއަށް އެދި ހުށަހެޅި މީހުންގެ އާއިލާގެ މީހުންނާ އެކު 8،750 މީހަކު ވިސާއަށް ރަޖިސްޓްރީކޮށްފައިވޭ،" ޓުވަލޫގައި ހުންނަ އޮސްޓްރޭލިއާ ހައި ކޮމިޝަނުން ނެރުނު ބަޔާނުގައި ބުންޏެވެ.