ނ. ފޮއްދޫ ކައިރީގައި އޮންނަ، ހިމާޔަތްކޮށްފައި ފޮއްދިއްޕަރު ފަޅުގެ ނަފާ އެ ރަށު ރައްޔިތުންނަށް ލިބޭ ގޮތް ހަމަޖައްސަވައި ދެއްވާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ނ. އަތޮޅަށް ކުރައްވާ ދަތުރުފުޅުގައި ރައީސް މިއަދު އެ ރަށަށް ވަޑައިގެން ރައްޔިތުންނާ ބައްދަލުކުރައްވާ ވިދާޅުވީ އެފަޅަކީ ޓޫރިޒަމް މިނިސްޓްރީގެ ބޭނުމަށް އެންވަޔަރްމެންޓް މިނިސްޓްރީން ހިމާޔަތްކޮށްފައިވާ މުހިންމު ތަނެއް ކަމަށެވެ.

މިނިސްޓްރީ އާއި ކައުންސިލް ގުޅިގެން ހަދާ މެނޭޖުމަންޓް ޕްލޭނެއްގެ ދަށުން އެ ފަޅު ބަލަހައްޓައި، އެ ފަޅުން ކައުންސިލަށް އާމްދަނީ ލިބޭނެ ނިޒާމެއް އެއްބަސްވުމެއްގެ ދަށުން ހަމަޖައްސަވައިދެއްވާނެ ކަމަށް އެ މަނިކުފާނު ވިދާޅުވި އެވެ.

މައުޟޫޢުތަށް