ތައިލެންޑާއި ކެމްބޯޑިއާއިން ޖެޓާއި ރޮކެޓުން ހަމަލާދީ 11 މީހަކު މަރާލައިފި
މިހާރު
24 ޖުލައި 2025 | ބުރާސްފަތި | 4:35
ކެމްބޯޑިއާ އިން ތައިލެންޑަށް ރޮކެޓުން ހަމަލާ ދިނުމާ އެކު ތައިލެންޑު ސިފައިން ޖެޓްތަކުގައި ގޮސް ކެމްބޯޑިއާގެ އަސްކަރީ މަގާމުތަކަށް ހަމަލާދީ ހަމަލާ ދިނުމުން އާންމުންގެ 11 މީހަކު މިއަދު މަރުވެއްޖެ އެވެ.
ޒަމާންވީ، އިމުގެ މައްސަލައިގައި ދެ ގައުމުގެ އަރާރުން ބޮޑުވެ ހަމަނުޖެހުންތަކުން ހިނގަމުން ގޮސް މިއީ މި ފަހުން ހިނގި އެންމެ ވަރުގަދަ ކުރިމަތިލުމެވެ.
މި ދެ ގައުމުގެ މެދުގައި މައްސަލަ ބޮޑުވެފައި އޮންނަނީ ލާއޯސްއާ އެކު ބޯޑަރުން ގުޅޭ ހިސާބުގައި އޮންނަ އެމަރަލްޑް ޓްރައިއެންގަލް ނަމަކަށް ކިޔާ ސަރަހައްދަކާ މެދުގަ އެވެ. އެއީ އިހުގެ ފައްޅިތަކާއި އާސާރީ ތަންތަން ގިނަ ހިސާބެކެވެ.