ރަންވޭ ހުޅުވާ ނުލާތީ، ގިނަ ފްލައިޓްތަކަށް ނުޖެއްސި، ޑިލޭވެއްޖެ
މިހާރު
27 ޖުލައި 2025 | އާދިއްތަ | 1:12
ވެލާނާ އިންޓަނޭޝަލްގެ އާ ޓާމިނަލް ހުޅުވި، ރަސްމިއްޔާތަށް އެ ސަރަހައްދުގެ އެއާ ސްޕޭސް ބަންދުކުރުމުގެ ސަބަބުން، ގިނަ ފްލައިޓްތަކެއް ޑިލޭވެ، ބައެއް ފްލައިޓުތައް ޑައިވާޓް ވެސް ކޮށްފި އެވެ.
ވެލާނާ އިންޓަނޭޝަނަލްގެ ފްލައިޓުތަކުގެ މައުލޫމަތު ފެންނަ، ވެބްސައިޓުން އެނގޭ ގޮތުން، ސިންގަޕޫރު އެއާލައިނާއި އެމިރޭޓްސް އާއި އިންޑިގޯ އަދި ބަޓިކް އެއާގެ ފްލައިޓެއްގެ އިތުރުން ބައެއް ޑޮމެސްޓިކް ފްލައިޓުތައް ވެސް ވަނީ ވަރަށް ބޮޑަށް ޑިލޭވެފަ އެވެ.
ރަންވޭއަށް 11:35 ހާއިރު ފްލައިޓުތައް ޖައްސަން ފެށި އިރު ސިންގަޕޫރު އެއާލައިނާއި އެމިރޭޓްސްގެ ފްލައިޓަށް އެއް ގަޑިއިރުގެ ޑިލޭއެއް އައެވެ. އަދި މެލޭޝިއާގެ ބަޓިކް އެއާލައިންގެ ފްލައިޓެއް ޑައިވާޓް ކުރި އިރު ޑޮމެސްޓިކް ދެ ފްލައިޓެއްގެ ވެސް ވަނީ ޑައިވާޓުކޮށްފަ އެވެ. ފްލައިޓް އިންޕޮމޭޝަން ސާވިސް ވެބްސައިޓުން އެނގޭ ގޮތުން އިންޑިގޯ އިން ކޮޗިން އިން އައި ފްލައިޓެއް ވެސް ވަނީ ޑިލޭވެފަ އެވެ. އަދި މޯލްޑިވިއަންގެ ޑޮމެސްޓިކް ފަސް ފްލައިޓެއް ވެސް ޑިލޭވެފައިވެ އެވެ.