ކަޝްމީރުގައި ހަމަލާދިން އެންމެ މަރާލައިފިން: އިންޑިއާ
މިހާރު
29 ޖުލައި 2025 | އަންގާރަ | 8:10
ކަޝްމީރުގެ އިންޑިއާ ސަރަހައްދުގައި ހިންދޫ ޓޫރިސްޓުންނަށް މިދިޔަ އޭޕްރީލް މަހު ދިން ހަމަލާގައި ބައިވެރިވި ޕާކިސްތާނުގެ ތިން ހަނގުރާމަވެރިން އިންޑިއާގެ ސަލާމަތީ ބާރުތަކުން ހަމަލާދީ މަރާލާފައިވާ ކަމަށް އިންޑިއާގެ ހޯމް މިނިސްޓަރު އަމިތު ޝާހު މިއަދު ވިދާޅުވެއްޖެ އެވެ.
އިންޑިއާ އާއި ޕާކިސްތާނާ ދެމެދު މިއިން ދުވަހަކު ނުހިނގާ ވަރުގެ ބޮޑު ކުރިމަތިލުމެއް ހިނގައި ހަނގުރާމައިގެ ހާލަތަކަށް ދިޔަ ހަމަލާގައި ބައިވެރިވި މީހުން މަރާލީ މިދިޔަ ހޯމަ ދުވަހު ހިންގި އޮޕަރޭޝަނެއްގައި ކަމަށް އިންޑިއާ އިން ބުންޏެވެ.
އިންޑިއާގެ ކަޝްމީރުގެ މަޝްހޫރު ރިސޯޓް ޓައުނެއްގައި މިދިޔަ އޭޕްރީލް މަހުގެ 22 ވަނަ ދުވަހު ހަނގުރާމަވެރިން ދިން ހަމަލާގައި 26 މީހަކު މަރާލި އެވެ.