ސިންގަޕޫރުގައި މިހާރު ކުރިއަށްދާ 22 ވަނަ ވޯލްޑް އެކުއޭޓިކްސް ޗެމްޕިއަންޝިޕްސްގައި މުހައްމަދު ރިހާން ޝިހާމް އަދި މުހައްމަދު އާން ހުސެއިންގެ އިތުރުން މިކްސްޑް މެޑްލޭ ޓީމު ވެސް ގައުމީ ލޯންގްކޯސް ރެކޯޑް އާކޮށްފި އެވެ.

އިއްޔެ ހެނދުނު ކުރިއަށް ގެންދިޔަ ފިރިހެނުންގެ 200 މީޓަރު ބަޓަފްލައި އިވެންޓުގެ ހީޓުގައި ވާދަކޮށް ރިހާން ނިންމީ 2:25.20 ސިކުންތުންނެވެ. މި ރެކޯޑް އެންމެ ފަހުން އާކުރީ ވެސް ރިހާން އެވެ. އެއީ، 2023 ވަނަ އަހަރު އޮތް 19 ވަނަ އޭޝިއަން ގޭމްސްގައި 02:28.17 އިން އިވެންޓު ފުރިހަމަކޮށްގެންނެވެ.

އާން ވަނީ މިއަދު ހެނދުނު އޮތް ފިރިހެނުންގެ 100 މީޓަރު ފްރީސްޓައިލް އިވެންޓުގެ ފަސް ވަނަ ހީޓުގައި ވާދަކޮށް 53.80 ސިކުންތުން ރޭސް ފުރިހަމަ ކޮށްފަ އެވެ. މި ރެކޯޑް އެންމެ ފަހުން އޮތީ ވެސް އާން އަތުގަ އެވެ. މިދިޔަ އަހަރު އާން ވަނީ ދެ ފަހަރު މި ރެކޯޑް އާކޮށްފަ އެވެ. މިދިޔަ އަހަރުގެ ކުރީކޮޅު ބޭއްވި 11 ވަނަ އޭޝިއަން އޭޖްގްރޫޕް ޗެމްޕިއަންޝިޕްސްގައި ރެކޯޑް އާކުރުމަށް ފަހު އާން ވަނީ މެލޭޝިއާގައި އޮތް 66 ވަނަ މެލޭޝިއާ އޯޕަން ސްވިމިން ޗެމްޕިއަންޝިޕްސްގެ ހީޓުގައި 54.46 ސިކުންތުން ފަތައިފަ އެވެ.

މައުޟޫޢުތަށް