މާވަށުގައި މަރާލި މޫސަގެ ހަށިގަނޑުގެ އޮޓޮޕްސީ ހަދަނީ
މިހާރު
30 ޖުލައި 2025 | ބުދަ | 1:16
ލ. މާވަށުގައި ތޫނު އެއްޗަކުން ހަމަލާދީ މަރާލި މޫސާ އިބްރާހިމްގެ ހަށިގަނޑުގެ އޮޓޮޕްސީ ހަދަން ރާއްޖެއިން ބޭރަށް ފޮނުވާލަން ނިންމައިފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ މޫސަ 29، ގެ ހަށިގަނޑުގެ އޮޓޮޕްސީ ހެދުމަށް ތަހުގީގު ކުރާ ޓީމުން ނިންމާފައިވާ ކަމަށެވެ. އެހެންވެ، ހަށިގަނޑު ބޭރަށް ފޮނުވާލުމުގެ މަސައްކަތްތައް ކުރަމުން އަންނަ ކަމަށް ވިދާޅުވި އެވެ.
މިދިޔަ ހޯމަ ދުވަހުގެ ހެނދުނު 10:10 ހާއިރު މޫސަގެ ކަރަށް ހަމަލާދިނީ، އެ ރަށުގައި ދިރިއުޅެމުން އަންނަ ހދ. ނޮޅިވަރަންފަރު، އަސަރީމަންޒިލް، މުހައްމަދު އިބްރާހިމެވެ. ދެ މީހުންގެ ދެމެދުގައި ހިނގި ދެބަސްވުމަކަށް ފަހު މި ހަމަލާއާ ގުޅިގެން ރަށު ހެލްތު ސެންޓަރަށް މޫސަ ގެންދިޔައިރު ވެސް މަރުވެފައިވާ ކަމަށް، އެ ސެންޓަރާ ހަވާލާދީ ފުލުހުން ވަނީ ބުނެފަ އެވެ.