ފަސް އަހަރު ފަހުން ޔުނައިޓެޑުން ސެސްކޯ އަށް އަލުން ފާރަލަނީ
މިހާރު
31 ޖުލައި 2025 | ބުރާސްފަތި | 11:04
ފަސް އަހަރު ކުރިން މެންޗެސްޓާ ޔުނައިޓެޑުން ސޮއި ކުރުވަން މަސައްކަތް ކުރި ބެންޖަމިން ސެސްކޯ އަށް އެ ކްލަބުން އަނެއްކާވެސް ފާރަލާން ފަށައިފި އެވެ.
ޖޫން 2019 ގައި އޭރު އުމުރުން 16 އަހަރުގެ ސެސްކޯ ސޮއި ކުރުވަން ޔުނައިޓެޑުން މަސައްކަތް ކުރި އިރު އޭނާ ކުޅެމުން ދިޔައީ އަމިއްލަ ގައުމު ސްލޮވޭނިއާގެ ކްލަބް ޑޮމްޒޭލްގެ ޔޫތު ޓީމަށެވެ. އޭރު އޭނާގެ ޓްރާންސްފާގެ އަގަކަށް ޔުނައިޓެޑުން ހުށަހެޅީ 3.1 މިލިއަން ޑޮލަރެވެ. އެ އަގާ މެދު ޑޮމްޒޭލުން ވެސް ހިތްހަމަޖެހުނެވެ.
ދެ ކަލްބުން ވާހަކަތައް ފެށި ނަމަވެސް ދެން ކުރިމަތިވީ އެހެން މައްސަލައެކެވެ. ރެޑްބުލް ސަލްސްބާގްގެ ސްކައުޓް ޑިޕާޓެމެންޓްގައި މަސައްކަތް ކުރާ މުވައްޒަފަކު އަޑުފަތުރާލީ ސެސްކޯއަކީ ނޯވޭގެ އާލިން ހާލަންޑަށް ވުރެ ވެސް މޮޅު ކުޅުންތެރިޔަކަށް ވުމުގެ ފުރުސަތު ބޮޑު ކަމަށެވެ. އެ ވާހަކަތަކުގައި ސްލޮވޭނިއާގެ ކްލަބުން ޖެހި ޔުނައިޓެޑުން ހުށަހެޅި އަގު ކުޑަކަމަށް ބުންޏެވެ. ޓްރާންސްފާގެ ވާހަކަތައް ވެސް ހުއްޓާލީ އެވެ. އޭނާގެ ސޮއި ކުރުވީ ސަލްސްބާގުންނެވެ.