ހަ މަހުން އެމްއައިބީއަށް މާލީ ބޮޑު ކުރިއެރުމެއް
މިހާރު
31 ޖުލައި 2025 | ބުރާސްފަތި | 4:06
މި އަހަރުގެ ފުރަތަމަ ހަ މަހު ވިޔަފާރީގެ މުހިންމު ދާއިރާތަކުން އެމްއައިބީއަށް ބޮޑު ކުރިއެރުމެއް ލިބި، ކުންފުނީގެ ފައިދާ އިތުރުވެއްޖެ އެވެ.
އެމްއައިބީއިން ނެރުނު ކުއާޓާލީ ރިޕޯޓުން ދައްކާ ގޮތުގައި މިއަހަރުގެ ފުރަތަމަ ހަ މަސް ދުވަހު އެ ބޭންކަށް 183 މިލިއަން ރުފިޔާގެ ސާފު ފައިދާއެއް ލިބިފައިވެ އެވެ. އެއީ މިދިޔަ އަހަރަށް ވުރެ ގާތްގަނޑަކަށް 30 ޕަސެންޓް އިތުރު އަދަދެކެވެ. މިދިޔަ އަހަރުގެ ފުރަތަމަ ހަ މަހު އެ ކުންފުންޏަށް ސާފު ފައިދާގެ ގޮތުގައި 135 މިލިއަން ރުފިޔާ ލިބުނެވެ.
މިއަހަރުގެ ދެވަނަ ކުއާޓާގައި އެ ކުންފުންޏަށް ފައިދާގެ ގޮތުގައި 96 މިލިއަން ރުފިޔާ ލިބިފައިވެ އެވެ. އެއީ އަހަރުގެ ފުރަތަމަ ކުއާޓާއަށް ވުރެ 10 ޕަސެންޓުގެ އިތުރު އަދަދެކެވެ.