މެމްބަރު ކުޑޫގެ ސުވާލުތަކަށް ނ. އަތޮޅު ކައުންސިލުން ރުންކުރު ޖަވާބެއް
މިހާރު
2 އޯގަސްޓު 2025 | ހޮނިހިރު | 10:02
ފަންގިވިނުމާއި ރޯނު ވެށުމުގެ މަސައްކަތާ ގުޅޭ މައުލޫމާތު ހޯއްދެއްވުމަށް ގަލޮޅު އުތުރު ދާއިރާގެ އެމްޑީޕީގެ މެމްބަރު މުހައްމަދު އިބްރާހިމް (ކުޑޫ) ފޮނުއްވި ސުވާލުތަކަށް، ނ. އަތޮޅު ކައުންސިލުން ރުންކުރު ޖަވާބެއް ދީފި އެވެ.
އެ އަތޮޅު ކައުންސިލްގެ ރައީސް މުހައްމަދު ބަޝީރަށް އެޑްރެސްކޮށް ފޮނުއްވި ސިޓީގައި ކުޑޫ ވިދާޅުވީ، ފަންގިވިނުމާއި ރޯނު ވެށުމަކީ ޒަމާނުއްސުރެ ކުރަމުން އަންނަ ކަމަކަށް ވުމާއި އަދި ރާއްޖޭގައި މިހާރު އެ މަސައްކަތް ކުރާ މިންވަރާއި އެކަން ދިރުވައި އާލާކުރާކުރުމަށް ކުރެވޭނެ ކަންކަމާ މެދު މައުލޫމާތު އެއްކުރަމުން އަންނަ ކަމަށެވެ.
އެހެންވެ، މިދިޔަ މަހުގެ 20 ވަނަ ދުވަހު ފޮނުއްވި ސިޓީގައި ކުޑޫ އެދިވަޑައިގަތީ އެ އަތޮޅުގައި ފަންގިވިނެ/ރޯނު ވަށާ ރަށްރަށުގެ ތަފްސީލު އަދި ފަންގި/ރޯނު ވިއްކުމުގައި ހުންނަ މައިގަނޑު ދަތިތަކާއި ގޮންޖެހުންތަކަކީ ކޮބައިކަން ވީ އެންމެ އަވަހަކަށް ހިއްސާކޮށްދެއްވުމަށެވެ.