ސިންގަޕޫރުގައި މިއަދުގެ ނިޔަލަށް ކުރިއަށްދާ 22 ވަނަ ވޯލްޑް އެކުއޭޓިކްސް ޗެމްޕިއަންޝިޕްސްގައި ދިވެހިރާއްޖޭގެ މިކްސް 4 ގުނަ 100 މީޓަރު ފްރީސްޓައިލް ރިލޭ ޓީމުން ލޯންގްކޯސް ގައުމީ ރެކޯޑް އާކޮށްފި އެވެ.

މިކްސް ރިލޭ ޓީމުން 4 ގުނަ 100 މީޓަރު ފްރީސްޓައިލް އިވެންޓުން ގައުމީ ރެކޯޑް އާކުރީ އިއްޔެ ކުރިއަށް ދިޔަ ހީޓުގައި 4:04.21 އިން ރޭސް ފުރިހަމަ ކޮށްގެންނެވެ.

މިކްސް ރިލޭ ޓީމުގައި ހިމެނެނީ މުބާރާތުގައި ވާދަކުރާ ރާއްޖޭގެ އަންހެން ދެ ފެތުންތެރިން ކަމަށްވާ މެރާލް އައިން ލަތީފާއި އަމްނާ ތަޒްކިޔާ މިރުސޯދު (ތަޒްކީ)ގެ އިތުރުން، ފިރިހެން ދެ ފެތުންތެރިން ކަމަށްވާ މުހައްމަދު ރިހާން ޝިހާމް އަދި މުހައްމަދު އާން ހުސެއިން އެވެ.

މައުޟޫޢުތަށް