ރައްޔިތުންގެ މަޖިލިހުގެ ބާރަށު ދާއިރާގެ އިބްރާހިމް ޝުޖާއުގެ ހިއްސާ އޮންނަ ކުންފުނިތަކަކަށް ނާޖާއިޒު މަންފާ ލިބޭ ގޮތަށް ހިންގާފައިވާ ބައެއް މުއާމަލާތްތަކަކާ ގުޅޭ ގޮތުން އެމްއެމްއޭގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) އިން ތައްޔާރުކުރި ރިޕޯޓުގައި ހިމެނޭ މައްސަލަތަކުގެ ތަހުގީގު ކުރާތާ "ދުވަސްތަކެއް" ވެފައިވާ ކަމަށް އޭސީސީން މިއަދު ބުނެފި އެވެ.

ޝުޖާއުއާ ގުޅުން ހުރި ކުންފުނިތަކަކުން ކޮށްފައިވާ މާލީ މުއާމަލާތުތަކާ ގުޅޭ ގޮތުން އެފްއައިޔޫ އިން ތައްޔާރު ކޮށްފައިވާ ރިޕޯޓެއް މީގެ ދެ ދުވަސް ކުރިން ސޯޝަލް މީޑިއާގައި އާންމުވުމާ އެކު އޭނާ ވިދާޅުވީ، އެއީ ސައްހަ އެއްޗެއްކަން ނުވަތަ ނޫންކަން ވެސް އެނގިވަޑައިނުގަންނަވާ ކަމަށެވެ.

"ސަބަބަކީ އެކަމުގެ އެއްވެސް މައުލޫމާތެއް އެއްވެސް ރަސްމީ އިދާރާއަކުން އަޅުގަނޑަށް ލިބިފައި ނުވާތީ އެވެ،" ޝުޖާއު ވިދާޅުވެފައި ވެ އެވެ.

މައުޟޫޢުތަށް