ޕޮލްކޯއަށް 291 މިލިއަންގެ ބޮޑު ގެއްލުމެއް، ބަދަލަކަށް ނަގަނީ އައިލެންޑް އެކްސްޕާޓުގެ ލަގްޒަރީ ފްލެޓް އިމާރާތް!
މިހާރު
5 އޯގަސްޓު 2025 | އަންގާރަ | 11:11
އެ ބިމުގެ އެކުއިޒިޝަން ކޮސްޓް ވެސް އެޗްޑީސީ އަށް ނުދައްކާ.
ހުޅުމާލޭގައި އިމާރާތް ކޮށްފައިވާ ފުލުހުންގެ ފްލެޓު އިމާރާތުގެ ކޮންޓްރެކްޓަރު އަމަލުކުރި ގޮތުން ފުލުހުންގެ ވެލްފެއާ ކުންފުނި، ޕޮލްކޯ އަށް ލިބުނު 291 މިލިއަން ރުފިޔާގެ ގެއްލުމުގެ ބަދަލަށް ހުޅުމާލޭގައި މިހާރު އިމާރާތް ކުރަމުން އަންނަ ލަގްޒަރީ ފްލެޓު އިމާރާތް ދައުލަތަށް ނަގަން އެދެން ރައްޔިތުންގެ މަޖިލިހުގެ މާލިއްޔަތު ކޮމިޓީގެ ސަބް ކޮމިޓީން ނިންމައިފި އެވެ.
ފުލުހުންގެ ފްލެޓު އިމާރާތުގެ ކޮންޓްރެކްޓަރު އައިލެންޑް އެކްސްޕާޓުން ހުޅުމާލެ 2 ގައި ލަގްޒަރީ އިމާރާތެއް ހަދަމުން އަންނަތާ ދުވަސްތަކެއް ވަނީ ވެފަ އެވެ. އަދި އެ އިމާރާތުގެ ބައެއް ފްލެޓުތައް ވިއްކައިގެން ފައިސާ ވެސް ނަގާފައިވާ ކަމަށް އެނގިފައި ވެ އެވެ.