ސަރުކާރުން ލިބެންޖެހޭ ފައިސާ ނުލިބުނީމާ ޓެކްސް ދައްކަން ދަތިވާ މީހުންނަށް ވެސް ލުޔެއް އޮންނަން ވާނެ ކަމަށް ވައިކަރަދޫ ދާއިރާގެ މެމްބަރު ހުސައިން ޒިޔާދު (ފިއްޓޭ) މިއަދު ވިދާޅުވެއްޖެ އެވެ.

ޓެކްސް ނުދައްކާ ފަރާތްތަކާ މެދު ހަރުކަށި ފިޔަވަޅު އަޅައި، އެ ފައިސާ ހޯދުމަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ބޮޑެތި ބާރުތައް ދޭން ޓެކްސް ނެގުމުގެ ގާނޫނަށް ގިނަ އިސްލާހުތަކެއް ހުށަހަޅާފައިވާ ބިލްގެ ބަހުސްގައި ރައްޔިތުންގެ މަޖިލިހުގެ މިއަދުގެ ޖަލްސާގައި ފިއްޓޭ ވިދާޅުވީ، ފިޔަވަޅުތައް އެޅުމުގައި ހަމަހަމަކަން ގެންގުޅެން ވާނެ ކަމަށެވެ.

އެ މައުލޫއުގައި އޭނާ ނެންގެވި އެންމެ މުހިންމު އަދި ބިލްގައި ވެސް ނެތް ކަމަކީ ދައުލަތުން ލިބެންޖެހޭ ފައިސާ ނުލިބި، ދައުލަތަށް ދައްކަންޖެހޭ ޓެކްސް ނުދެއްކި ކުށްވެރިވާ ފަރާތްތަކަށް އޮތް ލުއި ގޮތެވެ.

މައުޟޫޢުތަށް