އޭޝިއަން ސާފިން ޗެމްޕިއަންޝިޕުގެ މެންސް ޖޫނިއާ ކެޓަގަރީގެ ދެ ވަނަ ބުރުގެ ހީޓު ކާމިޔާބުކޮށް ރާއްޖޭގެ ޔޫސުފް ކަޔާން ހަމްދާން ޒަކީ (ކައި ޒަކީ) ތިން ވަނަ ބުރަށް ދަތުރުކޮށްފި އެވެ.

ނަމަވެސް އެ ކެޓަގަރީގައި ވާދަކުރި ކަޔާން އަބްދުﷲ އަރީފް (ކައިޕުޓީ) އާއި ވިމެންސް އޯޕަން ކެޓަގަރީގައި ވާދަކުރާ ޝާޒިޔާ ސައީދު (ސާޒު) އާއި، ފާތިމަތު ރިޝްތާ ސުޖާއު އަދި، މަރިޔަމް ރާހިލް ނަސީމް (އާޔާ) އަށް ވަނީ މިއަދު މުބާރާތް ނިންމާލަން ޖެހިފަ އެވެ.

އިންޑިއާގެ ޓެމިލް ނާޑޫގައި ކުރިއަށްދާ މުބާރާތުގެ ޖޫނިއާ ބައިގައި ރާއްޖޭން ދެން ވާދަކުރާ ސާފަރު ޔަސީން އަހުމަދު ނާޝިދު ވަނީ ފުރަތަމަ ބުރުގައި ވާދަކުރި ހީޓުގެ ދެ ވަނަ ހޯދައި، މާ ކުރިން ތިން ވަނަ ބުރުން ޖާގަ ހޯދައިފަ އެވެ. ތިން ވަނަ ބުރުން ސީދާ ޖާގައެއް ލިބެނީ ފުރަތަމަ ބުރުގެ ހީޓުތަކުގެ ގަދަ ދެ ސާފަރުންނެވެ. ޔޫސުފް ކަޔާން އާއި ކަޔާން އަރީފް ދިޔައީ ފުރަތަމަ ބުރުގެ ހީޓުގެ ތިން ވަނަ އަށް ކަމުން، އެ ދެ ސާފަރުންނަށް ތިން ވަނަ ބުރުން ފުރުސަތު ލިބެން އޮތީ ދެ ވަނަ ބުރުގައި ވާދަކޮށް ހީޓުގެ ގަދަ ދެ ސާފަރުން ތެރޭ ހިމެނިގެންނެވެ.

މައުޟޫޢުތަށް