ޓްރަމްޕާއި ޕުޓިން ހުކުރު ދުވަހު ބައްދަލުކުރައްވަނީ
މިހާރު
9 އޯގަސްޓު 2025 | ހޮނިހިރު | 1:43
ރަޝިޔާގެ ރައީސް ލަޑީމިއާ ޕުޓިންއާ، އަންނަ ހުކުރު ދުވަހު އެލަސްކާގައި ބައްދަލުކުރައްވާނެ ކަމަށާއި ރަޝިޔާ އާއި ޔުކްރެއިންގެ ހަނގުރާމަ ނިމުމަކަށް ގެނައުމަށް ދެ ގައުމުގެ މެދުގައި ބިންތައް ބަދަލުކުރުމުގެ އެއްބަސްވުމެއް ވެސް ގާއިމުކުރެވިދާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕު ވިދާޅުވެއްޖެ އެވެ.
"އެމެރިކާގެ ރައީސްގެ ހައިސިއްޔަތުން އަޅުގަނޑާއި ރަޝިއާގެ ރައީސް ލަޑިމިއާ ޕޫޓިންއާ ދެމެދު ބޭއްވުމަށް ހަމަޖެހިފައިވާ ބައްދަލުވުން އޮންނާނީ އަންނަ އޮގަސްޓް 15، 2025 ވާ ހުކުރު ދުވަހު އެލަސްކާ ސްޓޭޓްގައި،" ޓްރަމްޕުގެ ޓްރޫތު ސޯޝަލް ސައިޓްގައި ވިދާޅުވެފައިވެ އެވެ.
ޓްރަމްޕު މިކަން އިއުލާނުކުރެއްވި ފަހުން ރަޝިޔާއިން ވަނީ މި ބައްދަލުކުރެއްވުން އޮންނާނެކަން ކަށަވަރުކޮށްދީ އަދި ބައްދަލުވުން ބާއްވަނީ ވެސް އެކަށީގެންވާ ތަނެއްގައި ކަމަށް ބުނެފަ އެވެ.