މަޑުކުރަން އެންގުމުން ތަބާނުވެ، ފުލުހުންގެ ސައިކަލްގައި ޖައްސައި ފުލުހަކު ޒަހަމްކޮށްލައިފި
މިހާރު
10 އޯގަސްޓު 2025 | އާދިއްތަ | 1:04
ހުޅުމާލޭގައި ރޭ ބާރު ސްޕީޑުގައި ނުރައްކާތެރިކޮށް ދުއްވަމުން ދިޔަ ކާރެއް މަޑުކުރަން އެންގުމުގެ ފުލުހުންގެ އަމުރަށް ތަބާނުވެ، އެންމެ ފަހުން ފުލުހުންގެ ސައިކަލްގައި ޖައްސައި ވައްޓާލައިފި އެވެ.
މި މައްސަލާގައި އެ ކާރު ދުއްވި ފިރިހެންމީހާ އާއި އަންހެންމީހާ ވެސް މިހާރު ވަނީ ހައްޔަރު ކޮށްފައި ކަމަށް ފުލުހުން ބުންޏެވެ،
ފުލުހުން މީޑިއާއާ ހިއްސާކުރި މެސެޖެއްގައި ބުނީ، އެ ކާރު މަޑުކުރަން ފުލުހުން އެންގުމުން އެ އަށް އިޖާބަ ނުދީ، ހުޅުމާލެ 1 އާއި ހުޅުމާލެ 2 ގައި ދުއްވި ކަމަށެވެ. އަދި އެ ކާރުގެ ފަހަތުން އެ ވަގުތު ދިޔަ ފުލުހުންގެ ސައިކަލްގައި ކާރުން ޖައްސައި ވައްޓާލި ކަމަށް ބުންޏެވެ.