ޗެލްސީ އަށް ދެން އަންނަ ވޯލްޑް ކަޕުން އޮޓޮމެޓިކް ޖާގައެއް ލިބިދާނެ
މިހާރު
10 އޯގަސްޓު 2025 | އާދިއްތަ | 10:07
ފީފާ އިން 2029 ވަނަ އަހަރު ބާއްވާ ކްލަބް ވޯލްޑް ކަޕުން، މިއަހަރުގެ ޗެމްޕިއަން ޗެލްސީ އަށް އޮޓަމެޓިކް ޖާގައެއް ދޭން ވިސްނާކަމަށް ރިޕޯޓް ކޮށްފި އެވެ.
ފީފާ ވަނީ މިއަހަރު މުޅިން އަލަށް ކޮންމެ ހަތަރު އަހަރަކުން އެއްފަހަރު ބާއްވާ ގޮތަށް އާ ފޯމެޓެއްގައި ކްލަބް ވޯލްޑް ކަޕް ބާއްވަން ފަށައިފަ އެވެ. މިއަހަރުގެ ޗެމްޕިއަންކަން ހޯދީ ޗެލްސީ އެވެ. ނަމަވެސް މުބާރާތް ފެށީ، ޗެމްޕިއަން ޓީމަށް ކުރިއަށް އޮންނަ މުބާރާތުން އޮޓަމެޓިކް ޖާގައެއް ދިނުމުގެ އުސޫލެއް ނުހިމަނަ އެވެ.
ނަމަވެސް ކުރިއަށް އޮތްތަނުގައި، މިއަހަރުގެ މުބާރާތުން ނުފެނުނު ބާސެލޯނާ އާއި ލިވަޕޫލް ފަދަ ކްލަބްތަކަށް ފުރުސަތު ފަހިކޮށްދިނުމުގެ ގޮތުން ކޮލިފިކޭޝަންގެ އުސޫލުތަކަށް ބަދަލުތަކެއް ގެނައުމާމެދު ފީފާ އިން ވިސްނާ ކަމަށް އިނގިރޭސި ވިލާތުގެ ދި ޓައިމްސް އިން ވަނީ ރިޕޯޓް ކޮށްފަ އެވެ.