ބ. ތުޅާދޫ އެއާޕޯޓް އަޅަން ހަވާލުކުރި ކުންފުނިން އެއްވެސް މަސައްކަތެއް ނުކުރާތީ، އެއްބަސްވުން އުވާލުމަށް ފަހު، އެމްޓީސީސީއާ ހަވާލުކޮށްގެން މިއަދު މަސައްކަތް ފަށައިފި އެވެ.

އެއާޕޯޓުގެ ބިން ހިއްކުމުގެ މަސައްކަތް ފައްޓަވައިދެއްވީ، ރައީސް ޑރ. މުހައްމަދު މުއިއްޒު ބ. އަތޮޅަށް ކުރައްވާ ދަތުރުފުޅުގައި އެ ރަށަށް ވަޑައިގެން މިއަދު ބޭއްވި ހާއްސަ ރަސްމިއްޔާތުގައި، ކޮންސްޓަރަކްޝަން މިނިސްޓަރު ޑރ. އަބްދުﷲ މުއްތަލިބް އެވެ.

ތުޅާދޫ އެއާޕޯޓުގެ މަސައްކަތް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ހަވާލުކުރި ކުންފުނީގެ އެއްބަސްވުން އުވާލައި އެ މަސައްކަތް އެމްޓީސީސީއާ ހަވާލުކުރީ އިއްޔެ އެވެ. އެއްބަސްވުން އުވާލުމާ ހަމައަށް ބިން ހިއްކުމުގެ މަސައްކަތެއް އެ ކުންފުނިން ނުކުރެ އެވެ.

މައުޟޫޢުތަށް