އޭޝިއަން ގޭމްސްގެ ސާފިން އިވެންޓުން ރާއްޖެއަށް އިތުރު ދެ ޖާގަ
މިހާރު
13 އޯގަސްޓު 2025 | ބުދަ | 2:48
އަންނަ އަހަރު ޖަޕާނުގައި ބާއްވާ އޭޝިއަން ގޭމްސްގެ ސާފިން އިވެންޓުން، ރާއްޖޭގެ ފިރިހެން އަދި އަންހެން ޓީމަށް ވެސް ދެ ޖާގަ ލިބިއްޖެ އެވެ.
އިއްޔެ އިންޑިއާގެ ޓެމިލްނާޑޫގައި ނިމުނު އޭޝިއަން ސާފިން ޗެމްޕިއަންޝިޕަށް ފަހު، ސަރަހައްދުގެ ގަދަ ހަތެއްގައި އަންހެން އަދި ފިރިހެން ޓީމު ވެސް ރޭންކް ކުރެވިފައި ވާތީ، އޭޝިއަން ގޭމްސްގެ ގޯލްޑަން ޓިކެޓް ރާއްޖޭގެ ދެ ޓީމަށް ވެސް ވަނީ ލިބިފަ އެވެ.
މިދިޔަ އަހަރު ތުލުސްދޫގައި ބޭއްވި މުބާރާތުގައި ރާއްޖެ ވަނީ، ދެކުނު އޭޝިއާ ސަރަހައްދުގެ އެއްވަނަ ގައުމުގެ ގޮތުގައި ރޭންކް ކުރެވިގެން ފިރިހެން އަދި އަންހެން ޖާގައެއް ޔަގީން ކޮށްފަ އެވެ.