ޒަކާތާ ގުޅޭ ބިލް މަޖިލީހުން ބަލައިގެންފި
މިހާރު
13 އޯގަސްޓު 2025 | ބުދަ | 2:07
ޒަކާތް ދެއްކުމާއި ބަލައިގަތުމާއި ޒަކާތުގެ ގޮތުގައި ލިބޭ ފައިސާ ބެހުމުގެ ކަންކަން ހަރުދަނާ ގާނޫނީ އޮނިގަނޑެއްގެ ދަށުން ބެލެހެއްޓުމަށް ރައްޔިތުންގެ މަޖިލީހަށް ސަރުކާރުގެ ފަރާތުން ހުށަހެޅި ބިލް މަޖިލީހުން މިއަދު ބަލައިގެންފި އެވެ.
އެ ބިލު މަޖިލީހަށް ހުށަހެޅުއްވީ ވިލުފުށީ ދާއިރާގެ މެމްބަރު ހަސަން ވަހީދެވެ. މިއަދުގެ ޖަލްސާގައި ބައިވެރިވެވަޑައިގަތް 72 މެމްބަރުންގެ ވޯޓުން އެ ބިލު ވަނީ މަޖިލީހަށް ބަލައިގަނެ، އިތުރަށް ދިރާސާކުރަން ކޮމިޓީއަށް ފޮނުވަން ފާސްކޮށްފަ އެވެ.
އެ ބިލުގައިވާ ގޮތުން އެ ފަރާތެއްގެ މުދާ ހުރީ ރާއްޖޭގައި ކަމުގައިވީ ނަމަވެސް ނުވަތަ ރާއްޖެއިން ބޭރުގައި ނަމަވެސް ރާއްޖޭގައި ވަޒަންވެރިވެފައިވާ ކޮންމެ ފަރާތަކާއި ރާއްޖޭގައި ވަޒަންވެރިވެގެން ނޫޅުނު ނަމަވެސް ރާއްޖޭގައި މުދާ ހުރި ނަމަ ޒަކާތް ދައްކަން ޖެހޭނެ އެވެ.