ފަހު ވަގުތު ނަތީޖާ އަނބުރާލައި ޕީއެސްޖީން ސުޕަ ކަޕް ގެންގޮސްފި
މިހާރު
14 އޯގަސްޓު 2025 | ބުރާސްފަތި | 7:24
މެޗުގެ ފަހު ވަގުތުގައި ނަތީޖާ އަނބުރާލައި ޓޮޓްނަމް ހޮޓްސްޕާސް ބަލިކޮށް ޔޫއެފާ ސުޕަ ކަޕްގެ ތަށި ޕީއެސްޖީން ކާމިޔާބު ކޮށްފި އެވެ.
މެޗުގެ 85 މިނެޓާ ހަމައަށް ދިޔައިރު ވެސް ދެ ލަނޑުގެ ލީޑަކުން ޓޮޓްނަމް އޮތީ ސުޕަ ކަޕްގެ ތައްޓާ ވަރަށް ކައިރީގަ އެވެ. އެކަމަކު 85 ވަނަ މިނެޓްގައި ޕީއެސްޖީނާ ފުރަތަމަ ލަނޑުޖހައި ހިތްވަރެއް ހޯދި އެވެ.
އިޓަލީގެ އުޑީނޭގެ ބުލޫނެޖީ ސްޓޭޑިއަމްގައި ކުޅުނު މެޗުގައި ޓޮޓަނަމްއިން ލީޑް ނެގީ ފުރަތަމަ ހާފުގެ ފަހު ކޮޅުގަ އެވެ. އެ ލަނޑު ޖެހީ ޑިފެންޑަރު މެކީ ވެން ޑަ މެން އެވެ. ދެވަނަ ހާފަށް ނުކުމެ ތިންވަނަ މިނެޓްގައި ކްރިސްޓިއަން ރޮމޭރޯ އެ ޓީމުގެ ނަތީޖާ ފުޅާކޮށް ދިނެވެ.