ލަގްޒަރީ އެޕާޓްމަންޓެއްގައި ދިރިއުޅޭ އިރު, އިމާރާތުގެ އެކި ކަންތައްތަކާ ގުޅޭ ހިދުމަތްތައް ހޯދަން ދާން ޖެހޭނެ އެއް ތަނަކީ ތަނުގެ ލޮބީ އެވެ. މިއީ ދިރިއުޅޭ އެޕާޓްމަންޓަށް ވަނުމުގެ ކުރިން ނުވަތަ އެޕާޓްމަންޓުން ނުކުމެ ތަނަކަށް ދިއުމުގެ ކުރިން ވެސް އިމާރާތުގައި މަޑުކޮށްލަން ހުންނާނެ ސަރަހައްދެވެ. ލޮބީ އަކީ އިމާރާތުގައި ދިރިއުޅޭ މީހުންގެ ދެވަނަ "ސިޓިން ރޫމޭ" ވެސް ބުނެވިދާނެ އެވެ. މިފަދަ ތަނަކީ ހިތަށް ހަމަޖެހުން ގެނުވައިދޭނެ, ހިތްގައިމު ތަނަކަށްވުން މުހިންމު ވަނީ މިހެންވެ އެވެ.

ހުޅުމާލޭގައި މިހާރު ހަދަމުން އަންނަ ލަގްޒަރީ އެޕާޓްމަންޓް ކޮމްޕްލެކްސް, ބޭފެންސީ ރެޒިޑެންސުގެ ލޮބީގެ ޑިޒައިނަކީ މިކަންތައްތަކަށް ވިސްނައި ބެލުމަށް ފަހު, ތައްޔާރުކޮށްފައިވާ ޑިޒައިނެކެވެ. މިހާރުގެ ކުރެހުންތަކުން ފެންނަ މޮޑާން މިނިމަލިޒަމް ޑިޒައިނުގައި މި ލޮބީ ފަރުމާކޮށްފައި ވަނީ ގުދުރަތީ ރީތިކަން ތަނުގެ ޑިޒައިނާ ގުޅުވާލައިގެންނެވެ. މިތަން ފަރުމާކުރުމަށް ހަމަޖެހިފައި ވަނީ ގުދުރަތީ ރީތިކަމުން ހިތަށް ހަމަޖެހުން ގެނުވައިދޭ އެކި ކުލަތައް ހިމަނައިގެންނެވެ. އަދި ތަނުގެ މުއްސަނދިކަން އިތުރުކޮށްދޭނެ ފަދައިން ލައިޓިން އާއި ސީލިން ވެސް ޑިޒައިންކޮށްގެންނެވެ.

މި ތަނުގެ ލޮބީ އޭރިއާ ޑިޒައިންކުރުމުގައި މައިގަނޑު ތިން ކަމަށް އިސްކަން ދިނެވެ. އެއީ ކޮންސިއާޖް ރިސެޕްޝަނެއް ހެދުމާއި އީކޮލޮޖިކަލް ލޭންޑްސްކޭޕެއް ހިމެނުމާއި އަރާމުކޮށްލަން ވެސް މަޑުކޮށްލެވޭނެ ފަދަ ތަނަކަށް ހެދުމެވެ. އެގޮތުން މިތަނަކީ ހާސްކަން ކުޑަ ތަނަކަށް ހެދުމަށް ލޮބީ އޭރިއާގައި ހަ މީޓަރުގެ އުސް ސީލިންގެއް ހެދުމަށް ވަނީ ޑިޒައިންކޮށްފަ އެވެ.

މައުޟޫޢުތަށް