އާ ޓާމިނަލުން މިމަހު އިތުރު ހަތަރު އެއާލައިނަކަށް ހިދުމަތް ފަށަނީ
މިހާރު
16 އޯގަސްޓު 2025 | ހޮނިހިރު | 3:46
ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލުން މި މަހުގެ ތެރޭގައި އިތުރު ހަތަރު އެއާލައިނަކަށް ހިދުމަތް ދޭން ފަށާނެ ކަމަށް އެ އެއާޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން މިއަދު ބުނެފި އެވެ. އެކަމަކު، އެ އެއާލައިންތަކުގެ ނަމެއް އަދި ހާމައެއް ނުކުރެ އެވެ.
ރާއްޖޭގެ 60 ވަނަ މިނިވަން ދުވަހާ ދިމާކޮށް މިދިޔަ ޖުލައި މަހު 26 ގައި ހުޅުވި އާ ޓާމިނަލުން މިހާރު އަންނަނީ ތިން އެއާލައިނަކަށް ހިދުމަތް ދެމުންނެވެ. އެއީ މޯލްޑިވިއަން އާއި ޔޫއޭއީގެ ބަޖެޓް އެއާލައިން އެއާ އަރަބިއާގެ އިތުރުން ލަގްޒަރީ އެއާލައިނެއް ކަމަށްވާ ބިއޮންޑް އެވެ.
ބިއޮންޑް އެއާލައިނަށް ހިދުމަތް ދޭން ފެށީ މިއަދު އެވެ. އެ އެއާލައިނަކީ އާ ޓާމިނަލުން ހިދުމަތް ދޭން ފެށި ފުރަތަމަ ލަގްޒަރީ އެއާލައިން ވެސް ވެ އެވެ