މިއަދު ލިބޭ ނަތީޖާއަކީ ކިޔެވުން ހުއްޓާލަން ނިންމާ ދުވަސް ކަމަށް ނުހަދަން މިނިސްޓަރުގެ ނަސޭހަތެއް
މިހާރު
19 އޯގަސްޓު 2025 | އަންގާރަ | 9:49
މިއަދު ދޫކުރަން ފަށާ، އޯލެވެލް އިމްތިހާނުގެ ނަތީޖާ ކޮންމެ ގޮތަކަށް ލިބުނު ނަމަވެސް ކިޔެވުން ހުއްޓާ ނުލުމަށް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު ދަރިވަރުންނަށް ނަސޭހަތްތެރިވެ ވަޑައިގެންފި އެވެ.
މި އަހަރު މެއި/ޖޫންގައި ބޭއްވި އޯލެވެލް އިމްތިހާނުގެ ނަތީޖާ ދޫކުރަން ފަށާނީ މިއަދު މެންދުރު ފަހު 1:00ގަ އެވެ.
ސޯޝަލް މީޑިއާގައި މިނިސްޓަރު ކުރެއްވި ޕޯސްޓެއްގައި ވިދާޅުވީ ހުރިހާ ދަރިވަރުންނަކީ ނަތީޖާގައި އެންމެ ރަނގަޅު ކުދިންނަށް ނުވެދާނެ ކަމަށާއި އޯލެވެލްގެ ނަތީޖާއަކީ ދަރިވަރުންގެ ކިޔެވުމުގައި ގޮތް ނިންމާ ދުވަސް ކަމަށް ކުރިން އޮތް އޮތުން މިހާރު މާޒީވެފައިވާ ކަމަށެވެ.