އެމެރިކާގެ ރައީސް ޑޮނަލްޑް ޓްރަމްޕު ރަޝިޔާގެ ރައީސް ލަޑީމިއާ ޕުޓިންއާ ބައްދަލުކުރެއްވުމަށް ފަހު އިއްޔެ ޔުކްރެއިންގެ ރައީސް ވޮލްޑޮމީރް ޒެލެންސްކީއާ ވެސް ބައްދަލުކުރައްވާފައި ވާއިރު ޕުޓިން އާއި ޒެލެންސްކީގެ ބައްދަލުވުމެއް ވެސް ބޭއްވުމަށް ތައްޔާރުވާން ފަށައިފި އެވެ.

ޒެލެންސްކީ އަދި ޔޫރަޕްގެ ވެރިންނާ އެކު ޓްރަމްޕު އިއްޔެ ވައިޓް ހައުސްގައި ބޭއްވި މަޝްވަރާތަކަށްފަހު އޭނާ ވިދާޅުވީ ބައްދަލުވުން ދިޔައީ "ވަރަށް ރަނގަޅަށް" ކަމަށާއި އޭގެ ފަހުން މިހާރު ވަނީ މިދިޔަ ހަފްތާގައި އެލަސްކާގައި ބައްދަލުކުރެއްވި ޕުޓިންއަށް ފޯނުން ގުޅުއްވައި ޒެލެންސްކީއާ އެކު ބައްދަލުވުމެއް ބޭއްވުމުގެ ވާހަކަ ދައްކަވާފައި ކަމަށެވެ.

މި ބައްދަލުވުން ބޭއްވިއްޖެ ނަމަ އެކަން ވާނީ މީގެ ތިން އަހަރާއި ހަ މަސް ކުރިން ރަޝިޔާއިން ޔުކްރެއިންނަށް އަރައި ހަމަލާދޭން ފެށި ފަހުން ޕުޓިން އާއި ޒެލެންސްކީ ބައްދަލުކުރައްވާ ފުރަތަމަ ފަހަރަށެވެ.

މައުޟޫޢުތަށް