ޑިބްރޭނާ އިޓަލީގައި ވިދަނީ، މޮޑްރިޗުގެ ފެށުން ހަރާބު
މިހާރު
24 އޯގަސްޓު 2025 | އާދިއްތަ | 3:32
ނޭޕްލްސް (އޮގަސްޓް 24) - ކެވިން ޑިބްރޭނާ އިޓާލިއަން ސެރީ އޭ ގައި ކުޅުނު ފުރަތަމަ މެޗުގައި ލަނޑު ޖަހައި 2-0 އިން ޓީމު މޮޅު ކޮށްދީފި އެވެ.
އެކަމަކު ފާއިތުވި 10 އަހަރު އޭނާ ކުޅުނު މެންޗެސްޓާ ސިޓީ އަމިއްލަ ދަނޑުގައި ޓޮޓެންހަމާ ވާދަކޮށް ހަމަ މި ނަތީޖާއިން ބަލިވެއްޖެ އެވެ.
ޓޮޓެންހަމުން ވަނީ ރޭގެ މެޗުގެ ފުރަތަމަ ހާފުގައި ސިޓީ ކޮޅަށް ދެ ލަނޑު ޖަހައިފަ އެވެ. ވީއޭއާރުގެ ދިގު ރިވިއުއަކަށް ފަހު ބްރޭނަން ޖޯންސަން ޖެހި ފުރަތަމަ ލަނޑު ބަލައިގަތް އިރު، ސިޓީގެ އާ ކީޕަރު ޖޭމްސް ޓްރަފޯޑްގެ ބޮޑު ގޯހެއްގެ ފައިދާ ނަގައި ޖަހައިދިނީ ޖާއޯ ޕަލީނިއާ އެވެ.