ބާރަށް ދުއްވުމުން ތުރުކީގެ ޓްރާންސްޕޯޓް މިނިސްޓަރު ޖޫރިމަނާކޮށްފި
މިހާރު
26 އޯގަސްޓު 2025 | އަންގާރަ | 3:52
ތުރުކީގެ ޓްރާންސްޕޯޓް މިނިސްޓަރު އަބްދުލްގާދިރު އުރަލޮގުލޫ އެ ގައުމުގެ ހައިވޭއެއްގައި ބާރަށް ދުއްވާ މަންޒަރު ފެންނަ ވީޑިއޯތަކެއް ސޯޝަލް މީޑިއާގައި ޕޯސްޓްކުރުމާ އެކު އޭނާ ޖޫރިމަނާކޮށްފި އެވެ.
ޓާކީއެކްސެލެރޭޓްސް ހޭޝްޓެގްގައި އެކްސްގައި ޕޯސްޓްކޮށްފައިވާ ވީޑިއޯތަކުން ފެންނަނީ ލަވަ ޖަހަމުން އަދި ރައީސް ރަޖަބް ތައްޔިބު އުރުދުގާންނެ ތަގުރީރަކުން ކްލިޕްތަކެއް ޖަހަމުން ދުއްވާތީ އެވެ.
ބައެއް ވީޑިއޯތަކުން ވެހިކަލްގެ ސްޕީޑް މީޓަރު ފެންނައިރު ގަޑިއަކު 190 އާއި 225 ކިލޯމީޓަރާ ދެމެދުގައި ދުވެހި ހުރިކަން އެނގެ އެވެ.