ޑިއުޓީ ފްރީ ޒޯނަކާ އެކު ކުޅުދުއްފުށީ ޕޯޓުގައި އާ ހިދުމަތްތަކެއް ތައާރަފްކޮށްފި
މިހާރު
26 އޯގަސްޓު 2025 | އަންގާރަ | 9:32
އުތުރުގެ އިގްތިސާދަށް ބޮޑެތި ކުރިއެރުންތަކެއް ގެނެސްދިނުމުގެ ބޭނުމުގައި އެ ސަރަހައްދުގެ މައި ބަނދަރު، ހދ. ކުޅުދުއްފުށީ ޕޯޓުގައި ޑިއުޓީ ފްރީ ޒޯނަކާ އެކު މުޅިން އާ ހިދުމަތްތަކެއް މިއަދު ތައާރަފުކޮށްފި އެވެ.
އެ ހިދުމަތްތައް ތައާރަފުކުރީ ރައީސް ޑރ. މުހައްމަދު މުއިއްޒު ހދ. އަތޮޅަށް ކުރައްވާ ދަތުރުފުޅުގެ ތެރެއިން ކުޅުދުއްފުށީ ޕޯޓު ސަރަހައްދުގައި މިއަދު ހަވީރު ބޭއްވި ރަސްމިއްޔާތުގަ އެވެ.
އެމްޕީއެލް އިން ބުނީ އެއީ މި އަހަރުގެ މެއި 19 ވަނަ ދުވަހު އެ ކުންފުންޏާއި އިކޮނޮމިކް މިނިސްޓްރީއާ ދެމެދު ވެފައިވާ އެއްބަސްވުމުގެ ދަށުން ތައާރަފް ކުރި ހިދުމަތްތަކެއް ކަމަށެވެ.