ޓޭލާގެ ކައިވެނި އިއުލާންކޮށް ބުނީ އިނގިރޭސި ޓީޗަރާއި ޖިމް ޓީޗަރު އިންނަނީ ކަމަށް
މިހާރު
27 އޯގަސްޓު 2025 | ބުދަ | 12:23
އެމެރިކާގެ މަޝްހޫރު ލަވަކިޔުންތެރިޔާ ޓޭލާ ސްވިފްޓުގެ ކައިވެނި މިރޭ އިއުލާންކޮށްފި އެވެ.
ޓޭލާ އާއި އެމެރިކާގެ ފުޓުބޯޅަ ކުޅުންތެރިޔާ ޓްރޭވިސް ކެލްސީ މިއަދު އެންގޭޖުވެ، ކައިވެނިކުރަން އުޅޭކަން އިއުލާންކުރީ އިންސްޓަގްރާމްގައި ކުރި ޕޯސްޓެއްގަ އެވެ. އެ ޕޯސްޓުގައި ވަނީ އެމީހުންގެ އެންގޭޖުމަންޓް ފޮޓޯތައް ހިއްސާކޮށްފަ އެވެ.
އެ ފޮޓޯތަކުން ފެންނަ ގޮތުގައި، ޓްރެވިސް ޓޭލާއަށް ޕްރޮޕޯސްކުރީ ރޯސް ގާޑެންއެއްގަ އެވެ. އަދި އޭނާ ވަނީ ޖަވާހިރުން ޖަރީކޮށްފައިވާ ރަން އަނގޮޓިއެއް ޓޭލާގެ އިނގިލީގައި އަޅުވައިފަ އެވެ.