ސްކޭމްކޮށްގެން މީހުންގެ އަތުން މިލިއަނެއްހާ ރުފިޔާ ނަގައިފި
މިހާރު
27 އޯގަސްޓު 2025 | ބުދަ | 12:26
ސްކޭމްކޮށްގެން އެކި މީހުންގެ އަތުން މިލިއަނެއްހާ ރުފިޔާ ނެގި މީހަކު ފުލުހުން ހައްޔަރުކޮށްފި އެވެ.
އެ މައްސަލައާ ގުޅިގެން ހައްޔަރުކޮށްފައި ވަނީ އައްޑޫ ފޭދޫ، ޑޭލައިޓްވިލާ، ޝިހާން ޝިޔާމް، 29، އެވެ.
ފުލުހުން މިއަދު ބުނީ މުދާ ސަޕްލައިކޮށްދިނުމަށް އެދި ފޯނުން ގުޅައިގެން ވާހަކަ ދައްކައި، މަކަރާއި ހީލަތުން ފައިސާ ހޯދި މީހަކު ހައްޔަރުކޮށްފައިވާ ކަމަށެވެ. އެންޓި-ސްކޭމް ސެންޓަރާއި އައްޑޫ ހިތަދޫ ޕޮލިސް ގުޅިގެން ހިންގި ހާއްސަ އޮޕަރޭޝަނެއްގައި ކޯޓު އަމުރެއްގެ ދަށުން އޭނާ ހައްޔަރުކުރީ މިދިޔަ ހޯމަ ދުވަހު ހިތަދޫން ކަމަށް ވެސް ފުލުހުން ބުންޏެވެ.