ޓޫރިޒަމް ޕްރޮމޯޓުކުރަން ޓެޒް ސްކައިލާ ރާއްޖެ އަތުވެއްޖެ
މިހާރު
27 އޯގަސްޓު 2025 | ބުދަ | 8:48
ނެޓްފްލިކްސްގެ މަޝްހޫރު "ވަން ޕީސް" ލައިވް-އެކްޝަން ސިލްސިލާގައި ސަންޖީގެ ދައުރު އަދާކޮށް، ދުނިޔޭގެ މަގުބޫލުކަން ހޯދާފައިވާ އެކްޓަރު ޓެޒް ސްކައިލާ، ވިޒިޓް މޯލްޑިވްސްގެ ގްލޯބަލް އެމްބެސެޑަރެއްގެ ގޮތުގައި އޭނާގެ ދަތުރު ރާއްޖޭގައި ފަށައިފި އެވެ.
ރާއްޖޭގެ ގުދުރަތީ ރީތިކަމާއި ސަގާފީ މުއްސަނދިކަމާއި ދެމެހެއްޓެނިވި ޓޫރިޒަމާއި ހާއްސަކޮށް އެޑްވެންޗާ ޓޫރިޒަމްގެ ފުރުސަތުތައް ޕްރްމޯޓް ކުރުމަށް، ވިޒިޓް މޯލްޑިވްސްގެ އެމްބަސަޑަރަކަށް ޓެޒް އައްޔަންކުރީ މިދިޔަ ހަފުތާގަ އެވެ.
އަންނަ މަހުގެ 14 އާ ހަމައަށް ރާއްޖެ އަށް ކުރާ ދަތުރުގައި، ރާއްޖޭގެ އެކި ސަރަހައްދުތަކަށް ޒިޔާރަތްކޮށް، އެޑްވެންޗާ ޓޫރިޒަމް ޕްރޮމޯޓުކުރުމަށް ތަފާތު މޫދު ކުޅިވަރުތަކާއި ކަނޑުއަޑީގެ ހިތްގައިމުކަން ދައްކާލުމަށް ގިނަ ހަރަކާތްތަކެއް ޓެޒް ތަޖުރިބާ ކުރާނެ ކަމަށް ވިޒިޓް މޯލްޑިވްސް ކޯޕަރޭޝަން (ވީއެމްސީ)އިން ބުންޏެވެ.