ހަތަރު ވަނަ ޑިވިޝަނުގެ ޓީމަކުން ޔުނައިޓެޑް ކަޓުވާލައިފި
މިހާރު
28 އޯގަސްޓު 2025 | ބުރާސްފަތި | 10:00
ހަތަރު ވަނަ ޑިވިޝަނުގެ ކްލަބް ގްރިމްސްބީ ޓައުން އަތުން ބަލިވެ އިނގިރޭސި ލީގު ކަޕުގެ ދެ ވަނަ ބުރުން މެންޗެސްޓާ ޔުނައިޓެޑް ރޭ ކަޓައިފި އެވެ.
ރަށުން ބޭރުގައި ޔުނައިޓެޑް ރޭ ކުޅުނު މެޗުން ބަލިވީ ޕެނަލްޓީ ޖަހައިގެން 12-11 އިންނެވެ. ޕެނަލްޓީ ޖަހަން ޖެހުނީ 2-2 އިން ނަތީޖާ އެއްވަރު ވުމުންނެވެ.
ބޮޑު ހަރަދެއްކޮށް ސީޒަނާ ކުރިމަތިލީ ޔުނައިޓެޑުގެ ފެށުން މިވަނީ ވަރަށް ބޮޑަށް ގޯސްވެފަ އެވެ. ޕްރިމިއާ ލީގުގައި ކުޅުނު ދެ މެޗުން ލިބުނީ އެންމެ ޕޮއިންޓެވެ.