ޚަލީލް ވިދާޅުވި ގޮތުގައި، "މީޑިއާ ކޮންޓްރޯލްކޮށް، ތަޅުއަޅުވައި، އެއްވެސް ހަނިކަމެއް" ގެންނާނެ ބިލަކަށް މި ސަރުކާރުން ތާއީދު ނުކުރާނެ. ނަމަވެސް، އެ ބިލު މަޖިލީހަށް ބަލައިގަތީ މަޖިލީހުގައި ސަރުކާރު ތަމްސީލުކުރައްވާ ޕީއެންސީގެ މެމްބަރުންގެ ފުރިހަމަ ތާއީދާ އެކު.

މީޑިއާ ކޮންޓްރޯލްކުރުމާ ބެހޭ ބިލުގައިވާ ގޮތަށް މީޑިއާތައް ރެގިއުލޭޓްކުރަން އުފައްދާ ކޮމިޝަނުގައި ރައީސްގެ އައްޔަންކުރާ ތިން މެމްބަރުން ތިބެން ރައީސް ޑރ. މުހައްމަދު މުއިއްޒު ބޭނުންފުޅު ނުވާ ކަމަށް ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ޚަލީލް މިއަދު ވިދާޅުވެއްޖެ އެވެ.

ސަރުކާރުގެ އިސްވެރިންނާ ބައްދަލުކުރަން ނޫސްވެރިން ޕްރެޝާކުރަމުން ދަނިކޮށް، ރައީސް އޮފީހުގެ ބޭރުގައި ހުންނަ މި ސަރުކާރުން ހެދި "މީޑިއާ ފެންޑާ"ގެ ކުރިމައްޗަށް ޚަލީލާއި ޔޫތު މިނިސްޓަރު އިބްރާހިމް ވަހީދު (އަސްވާޑު) ނުކުމެވަޑައިގަތުމާ އެކު ނޫސްވެރިން ވަނީ އެ ދެ ބޭފުޅުންނަށް ވަރަށް ގިނަ ސުވާލުތައް ކުރިމަތިކޮށްފަ އެވެ.

މައުޟޫޢުތަށް