ރާއްޖެއަށް އަންނަ ޗައިނާ ޓޫރިސްޓުން މިހާރަށް ވުރެ ވެސް އިތުރުކުރަން ސަފީރުގެ ހުށަހެޅުންތަކެއް!
މިހާރު
29 އޯގަސްޓު 2025 | ހުކުރު | 9:13
ރާއްޖެއަށް އަންނަ ޗައިނާ ޓޫރިސްޓުންގެ އަދަދު މިހާރަށް ވުރެ ވެސް އިތުރުކުރަން ކުރެވިދާނެ ބައެއް ކަންކަން ރާއްޖޭގައި ހުންނަވާ ޗައިނާ ސަފީރު ކޮންގް ޝިންހުއާ ހުށަހަޅުއްވައިފި އެވެ.
ޕީއެސްއެމަށް ދެއްވި އިންޓަވިއުއެއްގައި ސަފީރު ފާހަގަކުރެއްވި ގޮތުގައި، ޗައިނާއަކީ ރާއްޖެއަށް އެންމެ ގިނައިން ޓޫރިސްޓުން އަންނަ ގައުމެވެ.
މިގޮތުން، ކޮވިޑު-19ގެ ބަލިމަޑުކަމާ ގުޅިގެން ޗައިނާގެ ބޯޑަރުތައް ބަންދުކުރުމުގެ ކުރީގެ އަދަދުތަކާ އެއްވަރަށް މިހާރު ޗައިނާއިން ރާއްޖެއަށް ޓޫރިސްޓުން އަންނަމުންދާ ކަމަށް ސަފީރު ވިދާޅުވި އެވެ.