އުކުޅަހުގައި ޒަހަމްވި ބައްޕަ އިތުރު ފަރުވާ އަށް މާލެ، ދަރިފުޅަށް ވެސް ނަފުސާނީ ފަރުވާ ދެނީ
މިހާރު
1 ސެޕްޓެމްބަރު 2025 | ހޯމަ | 11:28
ނުކުޅެދުންތެރިކަން ހުންނަ ދަރިފުޅު ހަމަލާ ދިނުމުން ޒަހަމްވި ބައްޕަ އިތުރު ފަރުވާ އަށް އއ. އުކުޅަހުން މާލެ ގެނެސްފި އެވެ.
އުކުޅަހު ކައުންސިލް ރައީސް ޝައުކަތު އިބްރާހީމް "މިހާރު" އަށް މިއަދު ވިދާޅުވީ ބައްޕަ އަށް ހަމަލާދިން ދަރިފުޅަކީ އުމުރުން 15 ނުވަތަ 16 އަހަރުން ފެށިގެން ނަފުސާނީ ބައްޔަށް ފަރުވާދެމުން އަންނަ މީހެއް ކަމަށެވެ.
މިހާރު އުމުރުން 26 އަހަރު ވެފައިވާ ދަރިފުޅު އޭނާގެ ބައްޕަ އަށް ރޭ ހަމަލާ ދިނީ ދަރިފުޅުގެ ގަޔަށް ގަވާއިދުން ޖަހަން ޖެހޭ އިންޖެކްޝަން ޖަހަން ދެކޮޅު ހެދުމުން އުފެދުނު ދެބަސްވުމުގައި ކަމަށް އޭނާ ވިދާޅުވި އެވެ.