ލ. އަތޮޅުން ރޭ ފުރި "ކޮލަމާ" ބޯޓުގެ ކެޕްޓަން އާދަމް ސައީދު މިއަދު ނިޔާވީ ބޯޓުގެ އޮޓޯ ޕަމްޕުގެ މައްސަލައެއް ދިމާވެގެން އިންޖީނު ރޫމަށް ފައިބައިގެން އުޅުމުގެ ތެރޭގައި ކަރަންޓުގައި ޖެހިގެން ކަމަށް ބެލެވޭ ކަމަށް ކޮލަމާފުށި ކައުންސިލުން ބުނެފި އެވެ.

ރޭ 10:00 ހާއިރު ލ. އަތޮޅުން ފުރައިގެން އެ ބޯޓު ދަތުރު ކުރީ ހުވަދު އަތޮޅަށެވެ. މާލެއިން މުދާ ހިފައިގެން އެކި ރަށްތަކަށް ދަތުރުކުރާ އެ ބޯޓުގެ ޚަބަރެއް ނުވެގެން ފުލުހުންނަށް ރިޕޯޓުކުރީ މިއަދު މެންދުރު 1:25 ހާއިރެވެ.

ބޯޓު ހޯދުމުގެ މަސައްކަތް އެމްއެންޑީއެފުން ވެސް ކުރަމުން އަންނަނިކޮށް އެ ބޯޓުގެ ޚަބަރެއްވީ މިއަދު ހަވީރު ހަތަރެއް ޖެހި ފަހުންނެވެ. އެކަމަކު އޭރު މައުލޫމާތު ލިބުނު ގޮތުގައި ބޯޓުގެ ކެޕްޓަން އަދި ބޯޓުގެ ވެރިޔާ ކަމަށްވާ ކޮލަމާފުށީ، ދޮންވެލި، އާދަމް ސައީދު، 66، ވަނީ ނިޔާވެފަ އެވެ.

މައުޟޫޢުތަށް