ވެނެޒުއޭލާގެ ޑްރަގް ބޯޓެއް ފައްތާލައި 11 މީހުން މަރާލައިފިން: ޓްރަމްޕު
މިހާރު
3 ސެޕްޓެމްބަރު 2025 | ބުދަ | 12:31
މަސްތުވާތަކެތި ހިފައިގެން ވެނެޒުއޭލާއިން އެމެރިކާއަށް ދަތުރުކުރި ސްޕީޑް ބޯޓަކަށް ވައިގެ މަގުން ހަމަލާދީ ފައްތާލައި އޭގައި ތިބި 11 "ނާކޯޓެރަރިސްޓުން" މަރާލާފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕު ވިދާޅުވެއްޖެ އެވެ.
ޓްރަމްޕު ތުހުމަތުކުރައްވާ ގޮތުގައި މިއީ ވެނެޒުއޭލާގެ ރައީސް ނިކޮލަސް މަޑޫރޯގެ ކޮންޓްރޯލް އޮންނަ ގޭންގަކުން ސަޕްލައިކުރަން އުޅުނު އެއްޗިއްސެވެ.
ޓްރަމްޕް ވަނީ މި ބޯޓަށް ހަމަލާދޭ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ޕޯސްޓްކުރައްވައިފަ އެވެ. އެއިން ފެންނަ ގޮތުގައި، ގެގަނޑެއް ވެސް ނެތް އެ ލޯންޗުގައި ބަޔަކު ދަނިކޮށް ހަމަލާ ދިނުމާ އެކު ގޮވައި އޭގައި ރޯވެ އެވެ.