ކާބޯތަކެތި ހިމެނޭހެން އަސާސީ މުދަލުގެ އަގު ބޮޑުވެ އަދި މޭވާގެ އަގު ވަކިން ބޮޑުވެފައި ވިޔަސް އެ ބާވަތްތައް ރާއްޖެއަށް އެތެރެކުރާ މިންވަރަށް މިދިޔަ މަހު ވެސް މާބޮޑު ބަދަލެއް ނާންނަ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އާންމުކުރި ތަފާސް ހިސާބުތަކުން ދައްކައިފި އެވެ.

އެމްޕީއެލް އިން މިއަދު އާއްމުކުރި ތަފާސްހިސާބުތަކުން ދެއްކި ގޮތުގައި މިދިޔަ ހަފުތާގައި މާލޭ ވިޔަފާރި ބަނދަރުން 1،359 ޓީއީޔޫ ކްލިއާ ކުރި އެވެ. އެއީ 20 ފޫޓްގެ 553 ކޮންޓެއިނަރާއި 40 ފޫޓްގެ 403 ކޮންޓެއިނާ އެވެ.

އޭގެ އިތުރުން ކްލިއާ ކުރި ޕެރިޝަބަލް ކާގޯ (ފަސޭހައިން ހަލާކުވާ ބާވަތްތަކުގެ) ގެ ތެރޭގައި 14،540 ކޭސް ބިހާއި 116،17 ބަސްތާ ފިޔާ، 5،415 ބަސްތާ ކަރާ، 3،672 ކޭސް ޓޮމާޓޯ، 1،819 ކޭސް އަލަނާސި، 2،257 ބަސްތާ ކެބެޖް، 2،087 ގަނޑު ދޮންކެޔޮ، 806 ބަސްތާ ބަރަބޯ އަދި 539 ބަސްތާ ސްވީޓްމެލަން ހިމެނެ އެވެ.

މައުޟޫޢުތަށް