ޓެރަރިސްޓު ހަމަލާތަކެއްގެ އިންޒާރަށް މުމްބާއީގައި ސަލާމަތީ ފިޔަވަޅުތައް ވަރުގަދަކޮށްފި
މިހާރު
5 ސެޕްޓެމްބަރު 2025 | ހުކުރު | 2:26
މުމްބާއީގައި ޓެރަރިސްޓު ހަމަލާތަކެއް ދިނުމަށް ތައްޔާރުވެފައިވާ ކަމަށް ބުނެ އެ ސިޓީގެ ޓްރެފިކް ފުލުހުންގެ ވަޓްސްއެޕް ނަންބަރަކަށް ފޮނުވި މެސެޖަކާ އެކު ސަލާމަތީ ފިޔަވަޅުތައް ވަރުގަދަކޮށްފި އެވެ.
ފުލުހުން ބުނީ އަމިއްލައަށް މަރުވެގެން ހަމަލާދޭން ތައްޔާރުވެގެން ތިބި މީހުންނާ އެކު 34 ވެހިކަލެއް ހަމަލާއަށް ތައްޔާރުވެފައިވާ ކަމަށް ބުނެ އިންޒާރުގެ މެސެޖެއް ލިބިފައިވާ ކަމަށެވެ.
މި އިންޒާރު ދީފައި މި ވަނީ ހިންދޫންގެ ދީނީ ފެސްޓިވަލެއް ކަމަށްވާ އަނަންތު ޗަޓޫރުތީ ކުރިއަށް ދަނިކޮށެވެ. މިހާރު ކުރިއަށްދަނީ މި ފެސްޓިވަލް ނިންމާލުމަށް އޮންނަ ބޮޑެތި އެއްވުންތަކުގެ ތައްޔާރީތަކެވެ.