ގޭންގް ކުށްތަކާއި ނުރައްކާތެރި ކުށްތަކުގެ އާ ގާނޫނުގެ ދަށުން ބަޔަކު ހައްޔަރުކޮށްފި
މިހާރު
5 ސެޕްޓެމްބަރު 2025 | ހުކުރު | 9:41
ގޭންގް ކުށްތަކާއި ނުރައްކާތެރި ކުށްތަކާ ދެކޮޅަށް ހަރުކަށި ފިޔަވަޅު އެޅޭ ގޮތަށް މިދިޔަ މަހު އަމަލުކުރަން ފެށި އާ ގާނޫނުގެ ދަށުން، ތޫނު ހަތިޔާރު ގެންގުޅުމުގެ ތުހުމަތުގައި ބަޔަކު ހައްޔަރުކޮށްފި އެވެ.
ގޭންގް ކުށްތަކާއި ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން މާލެއިން ހައްޔަރުކުރި މީހުން ބަންދުކުރަން ކްރިމިނަލް ކޯޓުން އިއްޔެ ނެރެފައިވާ އަމުރުގައިވާ ގޮތުން އެ މީހުން ހައްޔަރުކުރީ ދެ ވަޅި ގެންގުޅުމުގެ ތުހުމަތުގަ އެވެ.
އެ މީހުންނަކީ މއ.މޯނިން ވިއު އިބްރާހީމް ޒައިދާން، ހަމަ އެ ގޭ އަހުމަދު ނަވާޒް އަދި ލ.މާބައިދޫ، ބަށިމާގެ މުހައްމަދު ޝިދާދު އެވެ.