"ސައްޔާރާ" ސިނަމާތަކުގައި ދައްކާތާ 50 ދުވަސް ވެއްޖެ
މިހާރު
7 ސެޕްޓެމްބަރު 2025 | އާދިއްތަ | 11:19
ބޮލީވުޑްގެ އެންމެ ކާމިޔާބު ލޯބީގެ ފިލްމު "ސައްޔާރާ" މެދުނުކެނޑި ސިނަމާތަކުގައި ދައްކަމުން އަންނަތާ 50 ދުވަސް ވެއްޖެ އެވެ.
"ސައްޔާރާ" ސިނަމާތަކުގައި ދައްކަމުން އަންނަތާ 50 ދުވަސް ހަމަވުމާ ގުޅިގެން އެކަމުގެ އުފަލުގައި ބެލުންތެރިންނަށް ޝުކުރު އަދާކޮށް، އެ ފިލްމުގެ ލީޑު އެކްޓަރުން ކަމަށްވާ އަހާން ޕާންޑޭ އާއި އަނީތު ޕައްޑާ ވަނީ އިންސްޓަގްރާމްގައި މިދިޔަ ހުކުރު ދުވަހު ހާއްސަ ޕޯސްޓެއް ކޮށްފަ އެވެ.
ބޮލީވުޑަށް އަލަށް ތައާރަފުވި އަހާން އާއި އަނީތުގެ ފޮޓޯތަކާ އެކު ކުރި ޕޯސްޓުގައި އެ ފިލްމުގެ ކާމިޔާބީ އެ ދެމީހުން ސިފަކުރީ "ޖާދުލެއް"ގެ ގޮތުގަ އެވެ.